Një skiatore nga Danimarka, e cila ishte për vizitë në Maqedoni si turiste, është sulmuar nga një ari teksa po pushonte nga skijimi në malin e përmendur.Drejtori i Qendrës për Menaxhimin e Krizave (CMC), Stojançe Angelov, zbuloi detajet e sulmit dhe se si ariu sulmoi një skiator danez i cili lëvizte në një grup prej dhjetë personash. “Ata u ndalën për të pushuar afër bredhit, por aty pranë ndodheshin dy arinj të vegjël, njëri prej të cilëve u hodh menjëherë, dhe më pas një ari i madh u shfaq nga frika për këlyshin e tij dhe sulmoi skiatoren duke i kafshuar këmbën”, tha Angelov. Danezja e lënduar është transferuar menjëherë në spitalin e Tetovës, ku i është bërë pastrimi dhe riparimi i plagës. Pasi u vesh, ajo u largua nga spitali.
Angelov ka theksuar se në vitin e fundit ka pasur një numër të madh të raportimeve për paraqitjen e arinjve në malin Sharr.
“QKM do të iniciojë disa takime me menaxhmentin e Parkut Kombëtar Malet Shar, me qëllim që të gjendet një zgjidhje që do të zvogëlojë rrezikun e ballafaqimit me këto kafshë për alpinistët”, tha Angelov.
Ai tha se ky është territori të cilit i përkasin natyrshëm arinjtë, por qëllimi është që të zvogëlohen në minimum ndodhitë e padëshiruara si kjo, kur ariu nga frika e këlyshit të tij sulmohet mbi një njeri, raportojnë mediat e Shkupit.
