Policia gjermane ka shkatërruar platformën më të madhe kriminale online në botën gjermanishtfolëse. “Crimemarket”, siç quhej platforma, ishte “Amazoni gjerman i krimit online”, me më shumë se 180 mijë përdorues.
Me më shumë se 100 kërkime, autoritetet hetuese gjermane kanë kryer me sukses një aksion kundër platformës më të madhe kriminale të internetit në botën gjermanishtfolëse. Gjatë bastisjes në “Crimemarkt”, janë arrestuar gjithsej gjashtë persona, mes të cilëve edhe i dyshuari kryesor, një 23-vjeçar nga Korschenbroich, i cili ndodhet jo shumë larg Duseldorfit. Ai po hetohet për pastrim parash dhe mashtrim kompjuterik. Serveri i kësaj organizate kriminale është sekuestruar në Islandë.
Fokusi i bastisjes ishte në provincën gjermane të Rhine-Westphalia, ku u kontrolluan gjithsej 36 ndërtesa. Atyre u sekuestruan prova të shumta si celularë dhe pajisje informatike si dhe drogë dhe 600 mijë euro para të gatshme dhe pasuri të luajtshme.
Më shumë se 180,000 përdorues të regjistruar
Platforma, siç shpjegohet nga autoritetet hetuese, ishte aktive në internetin e rregullt, jo në Darknet dhe ishte e aksesueshme për të gjithë.
Prandaj, shumë të mitur ishin përdorues të asaj platforme, tha Miriam Brauns, nga policia në Dusseldorf. Është e frikshme, siç shpjegoi ajo, se sa e lehtë ishte kryerja e veprave kriminale në internet dhe atë në faqet e aksesueshme për të gjithë.
Më shumë se 180,000 përdorues u regjistruan në atë platformë. Mbi të ofroheshin shërbime kriminale, por edhe udhëzime të detajuara për krimet e rënda të gjakut, si dhe droga.
Pas aksionit të suksesshëm të policisë, në atë skenë ka pasur ndryshime të rëndësishme. Të gjitha të dhënat që ishin në platformë janë në duart e policisë. Administratorët, moderatorët dhe përdoruesit e “Crimemarket” tani duhet të llogarisin me masat penale.
“Duke filluar nga sot, përdoruesit duhet të presin që së shpejti të kontaktohen nga policia,” tha Browns.
“Sot “Tregu i Krimit” është i mbyllur,” tha Ministri i Brendshëm i North Rhine-Westphalia Herbert Reuhl (CDU) në fjalimin e tij për publikun. Me këtë, policia arriti të godasë një goditje të madhe ndaj kriminelëve të mëdhenj kibernetikë. “Pra, ne nuk kishim të bënim me një shitës me pakicë në internet në lagje, por me Amazonën gjermane të krimit kibernetik,” tha Herbert Reuhl.
