Ministri i Shëndetësisë, Arben Vitia, ka shpërndarë disa fotografi nga punimet që po zhvillohen në Klinikën e Kardiokirurgjisë.
Vitia ka shkruar në facebook se në ndërtesën e kësaj klinike po punohet me standarde evropiane.
“Dhomat për infeksione të rënda po izolohen sipas standardeve evropiane. Sallat e operimit janë në proces të renovimit e riorganizimit në përputhje me nevojat dhe standardet kardiokirurgjike. Numri i shtretërve në repart është rritur. Klinika do ta ketë depon për barna, hapësirën për materiale kirurgjike, arkivën dhe dhoma për personelin shëndetësor. Janë duke u riorganizuar sporteli edhe po bëhen nyje sanitare të reja”, ka shkruar Vitia.
Tutje ai ka thënë se është ulur lista e pritjes për pacientët nga 1 vit në 3 muaj. /Kosovatimes/
