Boksierja e Kosovës, Donjeta Sadiku ka vazhduar me performancën e shkëlqyer në turneun botëror kualifikues të boksit për Lojërat Olimpike “Paris 2024”.
Sadiku fitoi edhe luftën e tretë në këtë turne të madh duke mundur gjermanen Felicitas Ganglbauer, në çerekfinalen e kategorisë -60 kg dhe për t’u kualifikuar në gjysmëfinale.
Donjetës tani i duhet vetëm edhe një fitore për ta siguruar normën olimpike “Paris 2024”.
