Në superderbin mes Sigal Prishtinës dhe Trepçës kanë fituar mitrovicasit, duke vazhduar serinë pozitive në elitën e basketbollit.
Te mitrovicasit më i miri ishte Darnell Edge, i cili e mbylli ndeshjen me 21 pikë, katër kërcime dhe nëntë asistime, duke e pasur indeksin 26. Ai u ndihmua nga Kevin Capers me 23 pikë, dy kërcime dhe tri asistime, madje, duke shënuar pikët vendimtare të ndeshjes për 75:78.
Ndërkohë, te bardhekaltrit më i dalluar ishte qendra Diamond Stone me 27 pikë e nëntë kërcime.
Peja ka vazhduar serinë pozitive, për të mundur Proton Cable Prizrenin, ku më i miri te verdhezinjtë ishte Justin Davis me 21 pikë, gjashtë kërcime e tri asistime.
Vëllaznimi shënoi fitore të rëndësishme ndaj Bashkimit, derisa më i dalluari ishte Jordan Dallas me 15 pikë, gjashtë kërcime dhe një asistim.
Top 5
Darnell Edge (Trepça) 21 pikë, 4 kërcime, 9 asistime, 26 indeksi
Diamond Stone (Sigal Prishtina) 27 pikë, 9 kërcime, / asistime, 26 indeksi
Justin Davis (Peja) 21 pikë, 6 kërcime, 3 asistime, 24 indeksi
Jordan Dallas (Vëllaznimi) 15 pikë, 6 kërcime, 1 asistim, 22 indeksi
Kevin Capers (Trepça) 23 pikë, 2 kërcime, 3 asistime, 19 indeksi
