Dogana dhe Policia e Kosovës kanë parandaluar kontrabandimin e mallrave në dy raste të ndryshme në Jarinjë.
“Në maunën e cila transportonte mallra për Kosovë, ngasësi i maunës, qytetar i Serbisë kishte të fshehura mallra në kabinën e vozitësit, ‘Caffeine Anhydrous’ në formë pluhuri 5 pako x 20 kg = 100 kg me origjinë nga Kina”, thuhet në njoftimin e Doganës së Kosovës.
Ndërkaq rasti i dytë kishte të bënte me kontrabandim nga vozitësi serb të 25 palë atleteve për të rritur nga marka “Adidas Yeezy” dhe 50 palë nga marka “New Balance 550”.
“Maunat janë dërguar nën përcjelljen e stafit doganor dhe policor në terminalin doganor në Mitrovicë për kontroll të detajuar, deri sa malli i pa deklaruar apo kontrabandë është konfiskuar nga Dogana e Kosovës”, vazhdon njoftimi. /Kosovatimes/
