Superliga e basketbollit rikthehet me superpërballje

Superliga e Kosovës në basketboll, rikthehet këtë fundjavë me ndeshjet e xhiros së 24-të.Xhiroja do të hapet me superndeshjen mes Trepçës dhe Pejës, që renditen në vendin e parë, përkatësisht të dytë. Mitrovicasit kanë 21 fitore e dy humbje, ndërsa verdhezinjtë 17 fitore e gjashtë humbje. ‘Xehetarët’ kanë fituar Kupën dhe Superkupën e Kosovës, ndërsa pejanët janë kampionë aktual, andaj pritet një super përballje në “Minatori” të shtunën.Takim shumë i vlefshëm edhe ai ndërmjet Proton Cable Prizrenit dhe Vëllaznimit. Prizrenasit duan të jenë pjesë e “Play-off”-it, ku renditen në vendin e shtatë me shtatë fitore e 16 humbje, derisa kuqezinjtë në vendin e pestë me dhjetë fitore e 13 humbje.Të dielën do të përballen Golden Eagle Ylli-Sigal Prishtina, në duelin direkt për vendin e tretë. Të dy skuadrat kanë grumbulluar nga 14 fitore e nëntë humbje dhe është shumë i rëndësishëm para garave përfundimtare.Java e 24-t mbyllet me takimin mes Bashkimit dhe Istogut. Prizrenasit janë në vendin e gjashtë me tetë fitore e 15 humbje, derisa istogasit janë në vendin e fundit me një fitore e 22 humbje, ku fitoren e vetme e kanë ndaj prizrenasve.Superliga/Java 24Të shtunën takohen:17:00 Trepça-Peja19:00 Proton Cable Prizreni-VëllaznimiTë dielën takohen:17:00 Golden Eagle Ylli-Sigal Prishtina19:00 Bashkimi-Istogu