Një person është gjetur pa shenja jete në shtëpinë ku ishte duke banuar me qira të shtunën pasdite në Gjakovë, ka njoftuar Policia.
Sipas Policisë, viktima është i moshës madhore, ndërsa ekipet mjekësore në vendngjarje kanë konstatuar vdekjen e tij.
“Rreth orës 12:30 kemi pranuar informatë se viktima mashkull i moshës madhore është gjetur pa shenja jete në rrugën “Tahir Efendija” në Gjakovë, në një shtëpi ku ishte duke banuar me qera (personeli mjekësor në vendin e ngjarjes ka konstatuar vdekjen). Në vendin e ngjarjes kanë dalë njësitet e nevojshme policore dhe aktualisht janë duke u ndërmarr të gjitha veprimet e nevojshme hetimore. Me vendim të prokurori të shtetit është iniciuar rast “hetim i vdekjes”, ndërsa trupi i pa jetë i viktimës dërgohet në IML”, thuhet në njoftimin e policisë. /Kosova.info/
