Shefi i Misionit në Konsullatën e Përgjithshme të Republikës së Kosovës në Nju Jork, Blerim Reka iu bashkua homazheve në nderim të dëshmorëve Agron, Mehmet dhe Ylli Bytyqi në varrezat Yonkers, si dhe mori pjesë në manifestimin qendror të përmbylljes së javës së Epopesë së UÇK-së, bashkë me familjarët dhe bashkëluftëtarët e Batalionit Atlantiku.
Vëllezërit Bytyqi ishin anëtarë amerikano-kosovarë të Ushtrisë Çlirimtare të Kosovës, të cilët u vranë nga policia serbe menjëherë pas përfundimit të Luftës së Kosovës, ndërsa ata ishin në paraburgim në Serbi.
Trupat e tre vëllezërve u zbuluan në korrik 2001 në një varr masiv që përmbante 70 shqiptarë, pranë objektit të trajnimit të Njësisë Speciale Anti-Terroriste (SAJ). Trupat u gjetën me duar të lidhura dhe me plagë me armë zjarri në kokë.
Agron (23), Mehmet (21) dhe Ylli Bytyqi (25) ishin qytetarë amerikanë me prejardhje kosovare u lindën në Çikago, Illinois dhe jetuan në New York.
