Nënkryetari i LDK-së, Lutfi Haziri, ka kritikuar qeverinë Kurti lidhur me raportet jo vetëm me faktorin ndërkombëtarë, por edhe me forcat e brendshme politike.
Ky reagim vjen pas deklaratës së emisarit amerikan, Gabriel Escobar, për raportet e qeverisë Kurti me ShBA-të, BE-në, NATO-n dhe me fqinjët e Kosovës.
Sipas Hazirit deklarata e Escobar vetëm e fakton atë që ne e kemi thënë tash e disa muaj.
“Por, raporti i z. Kurti është edhe më i keq në raport me opozitën në Kosovë, me sindikatat, shoqërinë civile, problemet ekonomike dhe të gjithë sektorët e mëdhenj. Ky raport është përkeqësuar në të gjitha sektorët dhe në të gjitha drejtimet. Në një vend demokratik, nëse qeveria nuk bie me dorëheqje, kish ra nëpërmjet formave të tjera”, tha Haziri. /Kosovatimes/
