Në ceremoninë e inaugurimit mori pjesë edhe kryeministri i Kosovës, Albin Kurti, i cili u shpreh i lumtur për inaugurimin e Qendrës Shtetërore Trajnuese për Siguri Kibernetike në Kosovë. Ai tha se kjo qendër paraqet një angazhim e përkushtim dhe një arritje e mundësi domethënëse në këtë rrugëtim.
“Epoka digjitale ka sjell mundësi të papara për progres dhe zhvillim, por edhe sfida të mëdha për mbarë njerëzimin. Nga sulmet kibernetike të sponzoruara nga shtetet jo demokratike jo vetëm në rajonin tonë por edhe ne lindje të evropës janë në rrezik për sigurinë. Ajo çfarë bëjmë ne është se përgaditemi maksimalisht në krejt çfarë mundemi “, tha Kurti.
Kryeministri tha se qeveria merr donacion dhe blenë në menyrë që integriteti territorial, sovraniteti, siguria e të gjithë qytetarëve të jetë e pacenueshme, pa dallim pavarësisht se kush na e kercënon atë.
Kryeministri shtoi se është e qarte se fqinji verior është agresiv, nevrik dhe kjo na bënë të kujdesshëm e asesi të frikësuar.
