Ministri i Transportit dhe Infrastrukturës, Liburn Aliu, ka bërë të ditur mbi fillimin e punimeve për ndërtimin e rrugëve që ndërlidhin e bashkojnë fshatrat e Kosovës dhe Shqipërisë.
“Sot, shënuam fillimin e punimeve për rehabilitimin dhe zgjerimin e Rrugëve Ndërkufitare, që ndërlidhin fshatrat Kërstec-Pakishtë-Zapod, konform marrëveshjes së bashkëpunimit Kosovë-Shqipëri”, tha ai.
Kjo rrugë me gjatësi prej 6.3 km dhe me një investim prej më shumë se 2.3 milionë euro, theksohet se do të sjell zhvillim ekonomik, e njëherësh do të hapë perspektivën e turizmit malor, që do të shërbejë si portë hyrëse për të gjithë shqiptarët kudo që janë, për të eksploruar bukuritë natyrore të kësaj zone. /Kosovatimes/
