Ish-presidenti i SHBA-së, Donald Trump u zotua të hënën të lirojë njerëzit e burgosur për pjesëmarrje në sulmin e vitit 2021 në Kapitolin e SHBA-së, si një nga lëvizjet e para nëse ai rizgjedhet, duke i quajtur ata “peng”.
1358 prej tyre janë akuzuar në 38 muajt e fundit, sipas të dhënave të Ministrisë së Drejtësisë, të publikuara javën e kaluar.
Rreth 500 prej tyre u dënuan me burg.
Kjo nuk është hera e parë që Trump i quan mbështetësit e tij të burgosur “peng” ose sugjeron që ata të lirohen.
Në janar, ai i bëri thirrje Presidentit Biden të “lirojë pengjet e 6 janarit” gjatë një tubimi të fushatës në Iowa.
Trump përballet me katër akuza për krime, duke përfshirë një federale dhe një në Gjeorgji, që rrjedhin nga përpjekjet e tij për të përmbysur rezultatet e zgjedhjeve pasi humbi nga Biden.
Trump është pothuajse i sigurt se do të jetë kandidati presidencial republikan tani që sfiduesja e tij e fundit e mbetur, Nikki Haley, ka hequr dorë nga gara pas fitores së tij dërrmuese në zgjedhjet paraprake të partisë deri më tani.
Trump e bëri njoftimin në platformën “Truth Social”, duke premtuar mbylljen e kufirit me Meksikën si një nga lëvizjet e para nëse ai rizgjedhet.
Ai nuk dha asnjë detaj.
“Lëvizja ime e parë si presidenti juaj i ardhshëm do të jetë mbyllja e kufirit… dhe lirimi i pengjeve më 6 janar që janë burgosur padrejtësisht! shkroi ai të hënën vonë.
Trump ka folur më parë për ditën e tij të parë hipotetike në detyrë, duke premtuar gjatë një paraqitjeje në dhjetor se nuk do të sillej si diktator “përveç ditës së parë”.
