Drejtori i drejtorisë për Sport e Rini i komunës së Prishtinës, Blerim Krasniqi, ka inspektuar fillimin e punimeve të fazës së parë të përgatitjes së terrenit të futbollit në Hajvali.
Ai i shoqëruar nga asamblisti komunal, Sami Borovci, tha se brenda 90 ditëve pritet të finalizohet, ndërsa faza e dytë ku përfshihen edhe pjesa e shtresës së barit, zhveshtoret dhe pjesët përcjellëse të parkingut do të vazhdojnë me një dinamikë të lartë.
“Bashkë me Sami Boroci e klubit te KF Prishtina e Re kemi inspektuar punët ne terren, dhe mezi presim që klubi të ketë shtëpinë e tij, ku na u premtua se në bazë te rezultateve superliga është adresa e tyre, dhe klubi do t’i zhvilloj ndeshjet e sezonit të ardhshëm në këtë teren”, ka thënë ai. /Kosovatimes/
