Ministrja e Punëve të Jashtme dhe Diasporës, Donika Gërvalla, ka vizituar organizatën e cila merret me përmirësimin e shëndetit mendor dhe fizik të grave të mbijetuara të dhunës seksuale gjatë luftës së fundit në Kosovë, “Medica Gjakova”.
Sipas njoftimit të MPJD-së, gjatë këtij takimi Ministrja Gërvalla shprehu mirënjohjen ndaj udhëheqëseve të kësaj organizate për kontributin e tyre në mbështetje të grave viktima të dhunës në baza gjinore, luftimin e stigmatizimit dhe fuqizimin e tyre në shoqëri.
Përfaqësueset e “Medica Gjakova” falënderuan Ministren Gërvalla për vizitën dhe shpalosën para saj një sërë vështirësish dhe sfida administrative, ligjore, shëndetësore dhe praktike me të cilat ballafaqohen, integrimin dhe fuqizimin e të mbijetuarave të dhunës në baza gjinore. /Kosovatimes/
