Spitali i Pejës ka bërë të ditur se kanë kryer një operacion të ndërlikuar tek një pacient i moshës 62 vjeçare. Sipas njoftimit, tek ai është ndërhyrë në kokën e pankreasit për shkak të një tumori me natyrë neuroendokrine.
“Në kuadër të bashkëpunimit dhe mbështetjes së vazhdueshme profesionale me profesionistë nga Italia, këtë javë është realizuar një ndërhyrje operative tepër e ndërlikuar, Pacientit të moshës 62 vjeçare i është ndërhyrë në kokën e pankreasit për shkak të një tumori me natyrë neuroendokrine. Gjendja pas operative e pacientit është e mirë dhe stabile. Ky operim i suksesshëm është realizuar nga ekipi e Kirurgëve Dr. Alfonso Recordare nga Italia, Dr. Fazli Shala, Dr. Sejfedin Burri, si dhe Anesteziologët Dr. Brahim Meha, Dr. Halit Gashi si dhe Instrumentaret dhe teknikët e Anestezionit”, thuhet në njoftim. /Kosovatimes/
