Nuk ka nevojë të komentohet niveli i Real Madrid në Champions League, ka thë në trajneri i Manchester City, Pep Guardiola.
Të premten është hedhur shorti i çerekfinales së Champions League ku do të ndeshen: Arsenal -Bayern Munich; Atletico Madrid – Borussia Dortmund; Real Madrid -Manchester City dhe PSG -Barcelona.
Guardiola ka thënë se duket si një traditë e vogël pasi tri vjet me radhë ndeshen Real dhe City. “Shpresojmë se mund të arrijmë në një moment të mirë, por ka ende disa javë para ndeshjes së parë në Madrid. Nuk është e nevojshme të thuhet se çfarë është Reali i Madridit në këtë kompeticion. Kur luan në fazat e fundit, luan kundër skuadrave më të mira në Evropë”, është shprehur ai.
Guardiola gjithashtu ka bërë të ditur se të gjithë kundërshtarët janë të vështirë.
“Por të gjithë kundërshtarët janë vërtet të ashpër, të gjithë e dinë këtë. Ne ishim të emocionuar para shortit sepse është një privilegj sa herë që jemi këtu. Është një garë e veçantë”, ka thënë ai.
