Ligjëruesja në Universitetin Cambridge, Nora Visoka Weller, ka thënë se vendimi i Gjykatës Kushtetuese për Manastirin e Deçanit është dashur t`i jep fund debatit politik qysh në vitin 2016, derisa ka shtuar se edhe me zbatimin e këtij vendimi i njëjti mbetet tokë e Kosovës.
Kështu ka deklaruar Weller në një reagim pasi Qeveria e Kosovës i ka kërkuar Agjencionit Kadastral të Kosovës që ta zbatojë vendimin e Gjykatës Kushtetuese lidhur me tokën rreth Manastirit të Deçanit.
“Sundimi i ligjit nënkupton pikërisht këtë – ligji sundon. Gjykata Kushtetuese është interpretuesi kryesor i ligjit. Prandaj, vendimi i saj mbi tokën e kërkuar nga Kisha është dashur t’i jap fund çdo debati politik që nga viti 2016. Në këtë rast, debati është veçanërisht i vrullshëm, pasi çështja e pronës/tokës përgjatë Manastirit të Deçanit, është pjesë e trashëgimisë së okupimit Serb ne Kosove”, ka shkruar ajo në ‘Facebook’.
Megjithatë, sipas saj çështja është vendosur nga institucioni suprem i ligjit të Kosovës dhe ka te beje me përkushtimin e Kosovës ndaj sundimit të ligjit, dhe kjo është vegëza e forte të cilës po i mbahen me kthetra Bashkësia Evropiane dhe ShBA-të.
“Nuk duhet te brengosemi shume, sepse toka është ende Kosove. Sidoqoftë, duhet të bëhemi strateg, nëse ja dalim”, tha ajo.
