Nënkryetarja e Partisë Demokratike të Kosovës, Vlora Çitaku, ka kërkuar mbajtjen e zgjedhjeve parlamentare. Kjo sipas saj është e domosdoshme pas konfrontimeve me aleatët ndërkombëtar.
“Konfrontimet e hapura tashmë me aleatët tanë na kanë sjellë në një terren tërësisht të pashkelur nga ne tash e 25 vite. Pa projekte konkrete e pa vizion, si në planin e brendshëm, si në politikën e jashtme. Mbajtja sa më parë e zgjedhjeve parlamentare tashmë është jo vetëm kërkesë, por domosdoshmëri”, ka shkruar ajo në facebook.
Tutje Çitaku e ka quajtur Qeverinë Kurti si të papërgjegjëshme, pa ide e pa vizion, në një kohë kur “kur qytetarët tanë kanë nevojë për stabilitet e parashikueshmëri”.
