Kryeministri i Shqipërisë Edi Rama ka bërë të ditur se dronët Bajraktar të Forcave të Armatosura kanë tashmë edhe detashmentin e tyre të certifikuar të Mjeteve Fluturuese pa Pilot.
Përmes një postimi në rrjetet sociale, kreu i qeverisë ka shpjeguar se oficerët, nënoficerët dhe ushtarët shqiptarë të këtij detashmenti janë trajnuar për 4 muaj në Keshan të Turqisë dhe sot janë në gatishmëri.
Sipas Ramës, kjo ka rritur aftësitë dhe zgjeruar kapacitetet operacionale të Forcës Ajrore dhe Forcave të Armatosura.
“Dronët #Bayraktar të Forcave të Armatosura kanë tanimë edhe detashmentin e tyre të çertifikuar të Mjeteve Fluturuese pa Pilot
Oficerët, nënoficerët dhe ushtarët tanë të këtij detashmenti u trajnuan për 4 muaj në Keshan të Turqisë dhe sot janë në gatishmëri si pilotë, elektroteknikë, mekanikë dhe operatorë ngarkesash, duke rritur aftësitë dhe zgjeruar kapacitetet operacionale të Forcës Ajrore dhe Forcave të Armatosura.”, shkruan kryeministri Rama. /Kosovatimes/
