Anëtari i LDK-së, Berat Rukiqi, ka kritikuar ministrin, Hekuran Murati, i cili ka theksuar se ekonomia e vendit ka vazhduar rritjen edhe në tremujorin e katërt gjatë vitit të kaluar, duke dëshmuar qëndrueshmëri të bizneseve përballë sfidave të njëpasnjëshme.
http://199.192.21.43/2024/03/17/murati-ekonomise-se-vendit-iu-shtuan-mesatarisht-1-miliard-ne-vit
Rukiqi rikujtoi se një vit me recesion (rritje negative ekonomike), me aktivitet të përgjysmuar ekonomik, ministri Murati e krahason me një vit me inflacion, me rritje çmimesh, rrjedhimisht me qarkullim të rritur, jo nga rritja reale e aktivitetit ekonomik, por nga rritja e çmimeve, në kurriz të qytetareve të vendit.
“Ministër,, qytetarët në hall, po marrin kredi dhe mbitërheqje në banka, me norma të larta të interesit, për të përballuar shpenzimet. Mbi 30000 qytetarë i janë shtuar listës të të varfërve. Këta qytetarë që nuk mund të përballojnë jetën e shtrenjtë, do të duhej të ishin brenga jote, e jo manipulimi me grafikone. Fatkeqësisht, për vendin dhe qytetarët, ti je ndër të paaftit e shumtë në këtë qeveri”, ka shkruan Rukiqi. /Kosovatimes/
