Dy persona kanë mbetur të vrarë dhe pesë të plagosur nga të shtënat që kanë ndodhur në orët e para të mëngjesit në Uashington, shkruan CNN.
Të shtënat u raportuan në orën 3 të mëngjesit pranë Qendrës Rekreative Kennedy, tha departamenti i policisë, siç raportohet nga CNN.
Shefi i departamentit të policisë, Geoffrey Carroll, tha për mediat se të plagosurit janë transportuar në spitalet lokale, por se për momentin nuk kanë informacion për gjendjen e tyre.
Ende nuk dihet se si kanë ndodhur të shtënat, as kush ka qëlluar, ndërsa policia nuk ka bërë të ditur për arrestime dhe as emrat e të dyshuarve për rastin.
“Ne do t’u kërkojmë njerëzve që kanë ndonjë informacion në lidhje me këtë incident ose që kanë qenë dëshmitarë të tij të informojnë departamentin e policisë,” tha Carroll.
