Arijon Krasniqi e Sara Llapashtica dhe Olti Behluli e Sara Hoxha Kampion për U9 dhe U13

Në ShMU “Gjon Sereçi” u organizua Kampionati Individual i Kosovës për U9 dhe U13, në të cilën morën pjesë rreth 80 shpresa të pingpongut Kosovar.

Garat filluan me kategorinë U13 individuale, për të vazhduar me 3 kategoritë e çifteve e për të përfunduar me kategorinë U9 individuale.

Kualiteti i pingpongut te Shpresat dita ditës është duke shënuar ngritje, e kjo më së miri vërehej me numrin e shkëmbimeve që bënin sportistët në kategorinë U9. Jemi të bindur që nëse vazhdohet së paku me këtë nivel të punës nga trajnerët nëpër klubet e tyre, së shpejti Kosova do të radhitet në mesin e shteteve më të mira në Ballkan.

Në kategorinë për çifte të përziera morën pjesë 14 çifte, e pas shumë ndeshjeve të forta kampion u shpallën çifti Sara Hoxha / Olti Behluli të cilët në finale fituan ndaj çiftit Jonida Ibrahimi / Rejan Krasniqi

Tek çiftet Femra morën pjesë 8 çifte, të cilat po ashtu treguan ndeshje të baraspeshuar, e kampione u shpallën çifti Lira Hashani / Sara Hoxha të cilat në finale fituan ndaj çiftit Jonida Ibrahimi / Vlera Beqa

Tek çiftet Meshkuj morën pjesë 19 çifte, pas shumë ndeshjeve të forta kampion u shpallën çifti Olti Behluli / Muhamet Mudut të cilët në finale fituan ndaj çiftit Imran Duraki / Resul Smaili.

Në kategorinë individuale të femrave për U9, ishte numri më i vogël i të paraqiturave, vetëm 4 sportiste, mirëpo angazhimi dhe përkushtimi ishte mjaft i madh, ato i zhvilluan garat secila me secilën, e kampione u shpall Sara Llapashtica me të gjitha fitore, ndërsa nen kampione me një humbje doli Erina Vranoci.

Në kategorinë individuale të meshkujve për U9, ishin të paraqitur 7 sportistë, të cilën garuan në sistem eleminimi, e në finale shkuan Arijon Krasniqi dhe Det Konushevci, e pas një dueli të baraspeshuar ku të dy sportistët shfaqën luftë deri në poenin e fundit, kampion u shpall Arijon Krasniqi.

Në kategorinë individuale të femrave për U13 ishin të paraqitura 20 sportiste, e pas tri xhirove në gjysmëfinalen e parë Vlera Beqa fitoj me 3:0 ndaj Amra Gashit, ndërsa në gjysmëfinalen e dytë Sara Hoxha fitoj me rezultat të ngushtë 3:2 ndaj Jonida Ibrahimit. Në finale Sara dhe Vlera demonstruan nivel të lartë, por në fund me rezultat 3:0 kampione u shpall Sara Hoxha.

Në Kategorinë individuale të meshkujve për U13 ishin të paraqitur 47 sportistë, e pas shumë ndeshjeve të forta e interesante në 4 xhirot e para, në gjysmëfinalen e parë u takuan Muhammet Mudut dhe Resul Smaili, të cilën e fitoi Resuli me 3:0. Në gjysmëfinalen e dytë Olti Behluli ishte më i mirë se Imran Duraki ndaj të cilit fitoj me 3:0. Në finale të dy sportistët treguan nivel të lartë me shumë shkëmbime, por kampion u shpall Olti që fitoj finalen me rezultat 3:1.

REZULTATET

Çifte të përziera

1. Olti Behluli / Sara Hoxha
2. Jonida Ibrahimi / Rejan Krasniqi
3. Lira Hashani / Sharr Hashani
4. Vlera Beqa / Euron Osmani

Çifte të femra

1. Lira Hashani / Sara Hoxha
2. Jonida Ibrahimi / Vlera Beqa
3. Amra Gashi / Hana Murseli
4. Jara Hallaqi / Leana Hallaqi

Çifte të meshkujve

1. Olti Behluli / Muhamet Mudut
2. Imran Duraki / Resul Smaili
3. Donat Ferizi / Jon Ademi
4. Sharr Hashani / Rron Sojeva

U9 Femrat

1. Sara Llapashtica
2. Erina Vranovci
3. Alea Mehmeti
4. Norela Kllokoqi

U9 Meshkujt

1. Arijon Krasniqi
2. Det Konushevci
3. Arti Maroshi
4. Detar Maloku

U13 Femrat

1. Sara Hoxha
2. Vlera Beqa
3. Amra Gashi
4. Jonida Ibrahimi

U13 Meshkujt

1. Olti Behluli
2. Resul Smaili
3. Imran Duraki
4. Muhammet Mudut

Aktivitetet e ardhshme

Me 23 e 24 mars është paraparë organizimi i Kampionatit individual të Kosovës për Senior. /Kosovatimes/