Sipas të dhënave të “Vote Abroad”, Vladimir Putin ka marrë tre për qind të votave në Beograd, ndërsa më shumë Vladislav Davankov, me 67 për qind.
“Ne do të kemi të dhëna se sa njerëz kanë votuar këtu. Të gjithë e dimë që këto nuk janë zgjedhje të vërteta, ne e dimë rezultatin, se Putini do të marrë mbi 80 për qind. Nuk ka konkurrencë, kandidatët e tjerë janë pro forma. Ata nuk kanë bej ndonje fushate ky eshte nje aksion proteste, njerezit vijne te thone qe jane kunder Putinit dhe se u mjaftuan. Ky eshte nje veprim i mrekullueshem, nje ndjesi e mrekullueshme, ketu jane disa mijera njerez. Radha nuk ulet nga 10 ne mengjes njerezit qendrojne edhe pas votimit. Shoqërohen, i japin njëri-tjetrit ndjenjën se nuk janë vetëm dhe se nuk janë në pakicë, siç përpiqet të tregojë propaganda. E njëjta gjë po ndodh edhe në Moskë, pamë rreshta sot saktësisht në orën 12, por pa flamuj, sepse aty arrestohen menjëherë”, thotë ai.
Kur u pyet se si do të duket Rusia pas fitores së re të Putinit, Nikitin është i qartë – shumë më keq.
“Me siguri do të ketë një mobilizim të ri në Rusi, Putini tashmë ka shpallur një rritje të taksave për të financuar luftën. Gjaku i rusëve dhe ukrainasve do të vazhdojë të rrjedhë, do të ketë vetëm më shumë shtypje. Shpresoj, dhe ne këtu shpresojmë, se ky veprim do të kontribuojë në ndryshimin e perceptimit të Putinit, në mënyrë që njerëzit ta shohin atë si një uzurpator të paligjshëm, siç është ai”, thekson Nikitin.
Një numër i madh qytetarësh rusë iu bashkuan aksionit “Mesdita kundër Putinit”, i thirrur nga ekipi i liderit të ndjerë të opozitës Alexei Navalny. Në qytetet kryesore ruse si Moska dhe Shën Petersburgu, në mesditë u regjistruan radhë të gjata dhe skena të ngjashme u regjistruan në qytete të tjera të Evropës, si Barcelona apo Haga.
