Koreja e Veriut ka dërguar rreth 7,000 kontejnerë me municion dhe pajisje të tjera ushtarake në Rusi që nga viti i kaluar, tha ministri i Mbrojtjes së Koresë së Jugut, Shin Won-sik. Këtë e ka bërë të ditur Sky.
Shtetet e Bashkuara dhe Koreja e Jugut e kanë akuzuar më parë Korenë e Veriut për dërgimin e predhave dhe ndihmave të tjera ushtarake për Rusinë gjatë luftës, por Rusia dhe Pheniani e kanë mohuar këtë. Shin Won Sik sqaroi se Koreja e Veriut e dërgonte shumicën e ngarkesave të tilla me anije, por kohët e fundit ka filluar të përdorë hekurudhat për dërgesat e armëve ndërkufitare. Pheniani ka të ngjarë të ketë marrë më shumë se 9,000 kontejnerë me mallra të tjera në këmbim të mbështetjes ushtarake të Moskës, tha ai.
Vjeshtën e kaluar, Shtetet e Bashkuara raportuan se Koreja e Veriut kishte furnizuar Rusinë me 1 milion predha. Në janar, Bloomberg raportoi 2 milionë predha dhe disa raketa balistike, duke cituar vlerësimet e inteligjencës së Koresë së Jugut. Në fillim të marsit 2024, anijet ruse që lundronin rregullisht midis porteve në Korenë e Veriut dhe Rusi që nga vjeshta e kaluar, ndaluan së kryeri udhëtimet.
