Nebojsha Çoviq , ish nënkryetar i Qeverisë së Serbisë dhe ish-kryetar i Qendrës Koordinuese për Kosovën , duke dëshmuar për ngjarjet e marsit në vitin 2004,tregoi se si në mëngjesin e 18 marsit, hyri në Kosove, duke përfshirë pjesëtarët e Parashutës 63, për t’i mbrojtur njerëzit, tha Çoviq.
Ai thotë se më 18 mars të atij viti, rreth orës shtatë të mëngjesit, ka hyrë në Kosove përmes Konçulit dhe Dheut te Bardhe. Ai mori me vete sigurimin, duke përfshirë edhe pjesëtarët e Brigadës së 63-të të Parashutës, në përpjekje për të organizuar mbrojtjen e serbëve dhe pronave të tyre.
Në atë kohë komandant i KFOR-it ishte gjenerali gjerman Holger Kamerhoff, ndërsa i dërguari special i OKB-së për Kosovën, Hari Holkeri.
– Kur arritëm në Graçanicë, na priti peshkopi i atëhershëm Artemije. Menjëherë kam thirrur Kamerhofin, kam kërkuar të takohemi menjëherë dhe ai më tha: “Po si jo, une nuk mund të shkoj në Beograd, Merdare, Bujanoc, ju nuk mund të vini këtu”. Unë iu përgjigja: “Gjeneral, unë jam këtu, 15 minuta nga ju”. Mendoj se i ra nofulla. Ai erdhi me percjellesit e tij. Përballë ishin ushtarët suedezë të Kfor-it. Unë i thashë: “Nëse e thyejnë portën, ne do të gjuajmë dhe do ta mbrojmë manastirin” – tha Çoviq.
Megjithate ai pershkruan nje ngjarje imagjinare te futjes se shiptareve ne Gracanice, duke qene qe trupat suedeze qe ishin te vendosura ne hyrje te Veternikut as qe lejonin levizjet qe andej.
Per ta trashuar genjshtren ai thote se u takua balle ne balle me forcat speciale te Kosoves.
– Ishte tytë më tytë, pushkë më pushkë. Ai pyet të vetin: “Dhe çfarë do të bëjmë tani?” Unë i them: “Asgjë, është mirë të ktheheni dhe të largoheni ose të gjuajmë e të shohim se kush do të humbasë më shumë”. Ai ishte mjaft i mençur për t’u kthyer . Unë i thashë: “Mos te ndodhe bëni diçka kur të kthehemi.”
Çoviq thotë se vetëm amerikanët kishin autoritet në Kosovë:
– Në pjesën më të madhe, ata e ndaluan dhunen, por gjenerali amerikan kërkoi që të na çarmatosnin dhe të na dëbonin. Nuk e bëra, por para shkuarjes vizituam Laplla Sellën, Çagllavicën, shkuam në Fushë Kosove e Obiliq.
