Sot, bota do të shënojë Ditën Ndërkombëtare të Lumturisë, duke festuar lumturinë dhe mirëqenien në të gjitha format, duke i kushtuar vëmendje të tjerëve dhe vetes, duke shprehur mirënjohje dhe duke lënë kohë për njerëzit që konsiderohen të rëndësishëm.
Në atë ditë organizohen ngjarje, aktivitete dhe iniciativa të ndryshme në mbarë botën për të promovuar lumturinë, gëzimin dhe pozitivitetin. Qëllimi është të rrisë ndërgjegjësimin e individëve, komuniteteve dhe qeverive për rëndësinë e lumturisë në jetën e përditshme.
Dita Ndërkombëtare e Lumturisë shënohet edhe me publikimin e Raportit Botëror të Lumturisë së OKB-së, i cili ofron të dhëna për lumturinë në mbarë botën dhe hulumton faktorët që kontribuojnë në mirëqenien.
Sipas sondazheve, formula për lumturinë kombinon aktivitetet në natyrë, kontaktin me natyrën dhe komunikimin ndërpersonal.
Në rezolutën e Asamblesë së Përgjithshme të OKB-së të miratuar në vitin 2012, thuhet se kërkimi i lumturisë është qëllimi themelor i njerëzimit.
“OKB-ja e njeh lumturinë dhe mirëqenien si një aspiratë universale dhe beson se lumturia duhet të konsiderohet edhe si një qëllim politik. Dita Ndërkombëtare e Lumturisë synon të ndërgjegjësojë njerëzit në mbarë botën për rëndësinë e lumturisë në jetën e tyre”, thuhet në rezolutë.
Në vitin 2015, OKB-ja lançoi 17 Objektiva të Zhvillimit të Qëndrueshëm për ta bërë jetën e njerëzve më të lumtur.
Në një nga raportet e OKB-së për lumturinë, popullata ftohet të ndajë lumturinë me miqtë dhe familjen, të shprehë mirënjohjen, t’i bëjë të tjerët të lumtur dhe të përmbushur në jetë, gjithçka me synimin për ta bërë atë një zakon të përditshëm për të gjithë.
