Policia e Kosovës ka njoftuar se ka sekuestruar mall të kontrabanduara në Zubin Potok.
Bëhet fjalë për produkte të mishit, alkool, produkte higjienike e medikamente medicinale.
“Jasenovik i Poshtëm, Zubin Potok 20.03.2024. Njësia doganore dhe njësitë policore, me autorizim të prokurorit, nën dyshimin për mall të kontrabanduar, kanë hapur me forcë dy dyer të një shtëpie”, njofton Policia.
Gjatë kontrollit në shtëpi, nga zyrtarët doganorë është sekuestruar një automjet i udhëtarëve, 82 pako me produkte mishi, 3 bidonë me nga 100 litra alkool dhe 11 shishe qelqi x 20 litra alkool, produkte higjienike dhe 81 pako medikamente medicinale .
Rasti është në hetime dhe është iniciuar si kontrabandim me mallra.
