Mbajtja e seancës së Këshillit të Sigurimit të OKB-së me rastin e 25-vjetorit të bombardimeve të NATO-s ndaj RF të Jugosllavisë, e planifikuar për sot, me iniciativën e Rusisë, është ende e pasigurt, raportojnë agjencitë.Mbledhja është caktuar për në orën 15:00, por vendimi për mbajtjen e tij do të merret menjëherë para orarit të caktuar.
Në faqen e Këshillit të Sigurimit të OKB-së, thuhet se seanca është në orën 15:00 dhe se pika e parë është miratimi i rendit të ditës, ndërsa e dyta është kërcënimi për paqen dhe sigurinë ndërkombëtare.
Me këtë rast në Nju Jork ka mbërritur ministri i Jashtëm i Serbisë dhe zëvendëskryeministri i parë Ivica Daçiq , ku në seancë duhet të marrin pjesë edhe përfaqësuesi i përhershëm i Serbisë në OKB, ambasadori Nemanja Stevanoviq dhe ambasadori i Serbisë në Uashington , Marko Gjuriq .
Daçiq paraprakisht ka deklaruar se Serbia është e gatshme për seancën, pavarësisht mesazheve nga disa shtete perëndimore.
– Ka njoftime nga vendet perëndimore që thonë se nuk duhet të vijmë kot sepse seanca ndoshta nuk do të bëhet. Kjo do të thotë se ata mund të ndikojnë në votën e procedurës, tha më herët Daçiq.
“Serbia nuk shkon në seancë për të qenë “arbitër në marrëdhëniet mes fuqive të mëdha”, por për të folur për problemet, bombardimet dhe agresionin që shkatërruan sistemin e Kombeve të Bashkuara, tha më herët Daçiq.
