Policia e Kosovës ka njoftuar se kanë intensifikuar kontrollet taktike dhe operacionale në terren, me qëllim të parandalimit dhe luftimit të kontrabandës.
Policia ka bërë me dije se në kuadër të këtyre kontrolleve, të dielën rreth orës 19:00 gjatë vëzhgimit të rrugëve ilegale që shfrytëzohen për kontrabandë, më saktësisht në fshatin Zërnosek, Komuna e Leposaviqit, kanë ndaluar dy automjete të dyshuara.
“Automjeti VW ngjyrë e kaltër, me targa serbe, me ngasës mashkull kosovar, në të cilin kishte të ngarkuar një sasi të konsiderueshme të pijeve alkoolike (birrë) në vlerë rreth 1200 euro.
Automjeti Furgon Mercedes, ngjyrë portokalli dhe e bardhë, me targa serbe, me ngasës një kosovar në të cilin kishte të ngarkuar kazan (8 copë) që shërbejnë për prodhimin dhe përpunimin e pijeve alkoolike (raki) ne vlere rreth 5600 euro”, thuhet në njoftimin e policisë.
Policia shton se pasi që vozitësit nuk posedonin dokumentacion mbi prejardhjen e mallit të ngarkuar, i njëjti është konfiskuar dhe dërguar në terminalin doganor, kurse ndaj vozitësve janë zbatuar procedurat e zakonshme për kalim ilegal të kufirit. /Kosovatimes/
