Sot po mbahet seanca e Komisionit për Çështje Politike dhe Demokraci të Asamblesë Parlamentare të Këshillit të Evropës (KE), ku temë e takimit do të jetë anëtarësimi i Kosovës në KE. Edhe pse presidenti i Serbisë, Aleksandar Vuçiq, publikut vendas e prezantoi si çështje praktikisht të zgjidhur, gjegjësisht se Kosova do të marrë statusin e anëtarit të asaj organizate ndërkombëtare, studiuesi i Qendrës për Çështje Evropiane Marko Todoroviq thotë për Nova.rs. gjithçka është ende e pasigurt.
Dora Bakoyanis, raportuese për pranimin e Kosovës në Këshillin e Evropës, sot në seancën e Komisionit për Çështje Politike dhe Demokraci do të prezantojë opinionin statutor për kërkesën e Prishtinës për t’u anëtarësuar në atë organizatë ndërkombëtare.
Prej ditësh presidenti i Serbise Aleksandar Vuçiq, flasin për këtë temë sikur të ishte zgjidhur tashmë dhe se Kosova do të bëhej menjëherë anëtare e plotë e Këshillit të Evropës , shkruan Nova nga Beogradi.
Megjithatë, nuk do të ndodhë, sepse ekziston një procedurë e përcaktuar saktësisht se si Kosova mund ta arrijë atë status.
“Në prill të vitit 2023, Kosova mori shumicën e nevojshme prej dy të tretave në Komitetin e Ministrave të Këshillit të Evropës, me çka kërkesa për pranimin e Kosovës iu përcoll Kuvendit Parlamentar për shqyrtim të mëtutjeshëm. Më pas Kuvendi Parlamentar caktoi raportuesen Dora Bakoyanis me detyrë përgatitjen e Raportit për Kosovën, i cili më pas shkon në seancën plenare të Kuvendit”, shpjegon Todoroviq.
Por, para se të vijë në rend dite të Kuvendit, raporti paraqitet në Komisionin për Çështje Politike dhe Demokraci.
“Tani për tani ne e dimë se raporti rekomandon një rezultat pozitiv për aplikimin e Kosovës, por sot do të shohim nëse raporti do të miratohet nga Komisioni Parlamentar për Çështje Politike dhe Demokraci. Nëse kjo ndodh, një votim tjetër në periudhën e ardhshme, në seancën plenare të Kuvendit Parlamentar, ku Kosovës do t’i nevojiten dy të tretat e votave të deputetëve të pranishëm”, shton Todoroviq.
Ai thekson se rezultati përfundimtar është shumë i pasigurt dhe se anëtarësimi i Kosovës në Këshillin e Evropës do të varet nga bindjet politike të deputetëve.
“Duhet theksuar se deputetët e SE nuk janë pjesë e autoriteteve ekzekutive të vendeve të tyre dhe se votojnë sipas bindjeve të tyre politike. Prandaj, ka shumë mundësi që disa deputetë nga vendet që nuk e njohin Kosovën të votojnë pozitivisht për anëtarësimin e Kosovës, dhe është i mundur edhe rasti i kundërt. Kjo sigurisht që do të kontribuojë në pasigurinë e rezultatit përfundimtar”, përfundon Todoroviq.
Ministri i Punëve të Jashtme në mandatin teknik, Ivica Daçiq, tha të hënën se pret që të miratohet mendimi i raportuesit Bakojanis.
Një nga opsionet se si mund të sillet Serbia në rast se Këshilli i Evropës e pranon Kosovën anëtare e ka prezantuar presidenti i Serbisë, Aleksandar Vuçiq javën e kaluar.
