Kremlini njoftoi sot se po zhvillohen “kontakte” në lidhje me shkëmbimin e mundshëm të gazetarit amerikan Evan Gershkovich, i akuzuar dhe i burgosur në Rusi për spiunazh prej rreth një viti.
“Thyerja e heshtjes do të krijonte vetëm probleme shtesë dhe do të pengonte arritjen e ndonjë rezultati në proces”, shtoi Peskov, pa dhënë detaje.
Gazetari i Wall Street Journal, Evan Gershkovich (32), i cili gjithashtu punoi për France Press në Moskë midis 2020 dhe 2021, u arrestua nga FSB; në mars 2023 ndërsa raportonte në Yekaterinburg në Urale.
Uashingtoni akuzon Moskën se e ka marrë peng për ta shkëmbyer me rusë në burgjet e vendeve perëndimore, siç është bërë me disa shtetas amerikanë vitet e fundit në Rusi.
Presidenti rus Vladimir Putin tha më parë se ishte i gatshëm të shkëmbente Gershkoviçin me Vadim Krasikov, i cili po vuan dënimin e përjetshëm në Gjermani për vrasjen e një figure opozitare çeçene në Berlin në vitin 2019.
Këtë javë, gjykata ruse e zgjati paraburgimin e Gershkoviqit deri më 30 qershor.
Peskov tha sot se nuk ka informacion për datën e mundshme të fillimit të gjyqit të gazetarit amerikan.
Ministria e Punëve të Jashtme ruse njoftoi më parë se mund ta konsideronte shkëmbimin vetëm pas vendimit në gjyqin e gazetarit, raporton agjencia AP.
