Në mbarë Rusinë po zbatohen masa të rrepta të sigurisë pas sulmit terrorist të 22 marsit në sallën e koncerteve Crocus në Moskë.
Ky ishte sulmi më vdekjeprurës në këtë shtet që nga rrethimi i shkollës në Beslan më 2004. /rel/
Personat që vizitojnë Sheshin e Kuq duhet të presin në radhë që të kalojnë përmes detektorëve metalikë para se të hyjnë në shesh. 27 mars 2024.
Autoritetet ruse thanë se 143 persona janë vrarë gjatë sulmit në sallën e koncerteve Crocus, duke paralajmëruar se numri i viktimave mund të rritet edhe më shumë.
Automjete policore dhe kordonë të sigurisë në Kanalin Moska.
Rusia ka arrestuar të paktën 11 persona në lidhje me sulmin dhe ka ngritur aktakuzë ndaj tetë prej tyre.
Grupi i shpallur terrorist, Shteti Islamik, ka marrë përgjegjësinë për sulmin.
Policët duke qëndruar prapa barrierave në Sheshin e Kuq.
Policët rusë duke kryer kontrolle para mbajtjes së një koncerti të bendit të rrokut, Piknik, në Shën Petersburg. Ky grup tha se paratë nga shitja e biletave do të shkojnë për familjarët e viktimave. Ky grup ishte planifikuar të performonte në Crocus natën kur ndodhi masakra.
Një person me një bluzë me portretin e presidentit rus, Vladimir Putin, shikon përmes një dritareje, përderisa policia ruan zonën përreth sallës së koncerteve Oktayabrsky në Shën Petersburg.
Kadetët ushtarakë duke kaluar pranë një sallë koncertesh.
Masat e shtuara të sigurisë ka të ngjarë që të vazhdojnë të jenë në fuqi pranë zonave ku ka shumë njerëz dhe në aeroportet kombëtare gjatë javëve në vijim.
