Qyteti i përgjumur i Lules, në provincën argjentinase Tucuman , është “dridhur” nga një ngjarje e pazakontë e regjistruar pak ditë më parë.
Patrulla e policisë ka marrë njoftim se “një person i panjohur është duke ecur në afërsi të varrezave gjatë natës”, ndaj kanë vendosur të kontrollojnë se për çfarë bëhet fjalë. Videoja e ndërhyrjes u shfaq në rrjete dhe nisi një debat për ekzistencën e botës paranormale.
Kur kanë mbërritur në varreza, oficerët e policisë kanë gjetur një grua të panjohur me flokë të gjata të zeza duke ecur pa ndonjë cak, me veshje “cuditshme” .
– Ajo nuk donte të komunikonte me oficerët tanë. Ajo bëri zhurma të çuditshme dhe në një moment u gjunjëzua para tyre – thanë autoritetet.
Gruaja vazhdoi të fliste me vete, më pas filloi të bërtiste. Më pas ajo u largua në drejtim të një guroreje lokale, raporton Mendoza Post. Mediat raportojnë se policia përfundimisht ka arritur të krijojë një komunikim me gruan e cila dyshohet se është “në kërkim të djalit”.
Autoritetet lokale qëndrojnë të përmbjtura deri në përfundimin e hetimeve. Në të njëjtën kohë, varrezat lokale në Lules u gjendën në qendër të vëmendjes së përdoruesve të rrjeteve sociale. Siç mund ta imagjinoni, mendimet janë të ndara.
Ndërsa disa besojnë se është një fantazmë, ose një lloj shfaqjeje, të tjerë pyesin veten që kur fantazmat kanë një hije dhe arrijnë në përfundimin se gruaja ka nevojë për ndihmë mjekësore ose psikiatrike.
