Sektori për Hetimin e Krimeve Ekonomike në kuadër të Policisë së Kosovës, ka arrestuar mbrëmë më 29 mars, në orët e mbrëmjes një qytetarë të Maqedonisë së Veriut, me 96 mijë dollarë amerikan, që dyshohet se janë të falsifikuara. Sipas policisë, ky person është arrestuar në bashkëpunim me institucionet e tjera të sigurisë në Kosovë.
“Pas një pune operative-hetimore, rreth orës 23:00 (29.03.2024) është zhvilluar një operacion policor në Han të Elezit. Paraprakisht ishin siguruar informata konkrete se personi i dyshuar I. D., (viti i lindjes 1970, shtetas i Maqedonisë së Veriut), është duke futur në Kosovë para të falsifikuara, konkretisht dollar amerikan. I dyshuari është arrestuar në flagrancë nga hetuesit policor gjatë tentimit të tij për të vënë në qarkullim një sasi të madhe të dollarëve amerikan që dyshohet se janë të falsifikuara. I dyshuari 100 $ dollarë të falsifikuara, i shiste për 40 euro”, thuhet në njoftimin e policisë. /Kosovatimes/
