Në Nerodime të Ferizajt ka nisur projekti që do ta rregullojë pjesën që vizitohet më së shumti nga turistët, atë të bashkimit të lumenjve.
Banorët e kësaj ane e kanë mirëpritur këtë investim, por shpresojnë që ky projekt mos ta ketë fatin sikurse të tjerat.
Drejtoria e Zhvillimit Ekonomik të Ferizaj në këtë pjesë pritet të ketë investime rreth 1 milion euro me qëllim të zhvillimit të turizmit.
“Në këtë zonë do të ketë pjesë rekreative të ndryshme që do të pasurohet me veranda me ulëse me shtigje të ecjes me fusha sportive dhe me vendet e ndryshme rekreative. Në këtë zonë po ashtu këto ditë ne si drejtori kemi fituar projekt nga ministria e zhvillimit rajonal në vlerë prej 117 mijë euro ku do të ndërtohet një fushë sportive dhe multifunksionale dhe një shteg për biçikleta”, ka thënë Balton Derguti, drejtor i Zhvillimit Ekonomik në Ferizaj.
Projekti pritet të përfundojë në vitin 2025.
