Real Madrid vazhdon me ecurinë pozitive në kampionat, ndërsa bind me fitoren 2-0 ndaj Athletic Bilbao-s në javën e 30-të të La Liga-s.
“Los Blancos” zhbllokuan sfidën në minutën e 8’, me Rodrygo-n që realizoi një super gol pas asistit të dhuruar nga Brahim Diaz.
Pavarësisht tentativave nga të dyja anët për të shënuar, fraksioni hapës u mbyll me një gol.
Ndërsa në pjesën e dytë, Rodrygo u shfaq sërish protagonist dhe realizoi golin e dytë për Reali-n në minutën e 73’.
Në fund gjithçka u mbyll me rezultatin 2-0, me Real Madrid që kryeson renditjen e La Liga-s me 75 pikë, teksa Athletic Bilbao renditet në vend të katërt me 56 pikë.
