Ukraina është në një “moment kritik” në luftën me Rusinë dhe ka nevojë urgjente për më shumë mbështetje nga Perëndimi, tha sot Sekretari amerikan i Shtetit, Anthony Blinken.
“Është absolutisht e nevojshme që ukrainasit të marrin furnizime mbrojtëse, veçanërisht kur bëhet fjalë për municione dhe mbrojtje ajrore”, tha Blinken gjatë një vizite në Francë, raporton Reuters.
Ai theksoi se për këtë arsye presidenti amerikan Joseph Biden kërkoi nga Kongresi që sa më shpejt të jetë e mundur një buxhet shtesë për ndihmë ushtarake për Kievin. Biden i kërkoi Dhomës së Përfaqësuesve të kontrolluar nga republikanët të mbështesë paketën e ndihmës ushtarake dhe financiare, por Kryetari i Dhomës së Përfaqësuesve Mike Johnson e ka shtyrë çështjen me muaj.
