Përfaqësuesi i Lartë në Bosnje dhe Hercegovinë, Christian Schmidt, nesër pritet të takohet me presidentin e Serbisë, Aleksandar Vuçiq, raporton SB.
Ky është informacioni i BHRT-së dhe takimin mes të dyve fillimisht e ka paralajmëruar vetë Schmidt pasi ka vendosur ndryshime teknike në ligjin zgjedhor të BeH-së, ndërsa dje takimi është konfirmuar nga OHR.“Pres me padurim diskutimet me të gjithë aktorët përkatës brenda kuadrit të kompetencave dhe mandatit tim të Dejtonit, me qëllim të vazhdimit të rolit të bashkësisë ndërkombëtare në ruajtjen e paqes, integritetit dhe stabilitetit në Bosnje dhe Hercegovinë”, tha zëvendës presidenti Schmidt. Takimi i radhës do të jetë me presidentin e Serbisë Vuçiq”, ka thënë OHR.
Vuçiq para disa ditësh ka thënë se ka shumë tema me Schmidt-in, sidomos për shkak të situatës së vështirë në RS.
“Situata është e komplikuar, e nxehur politikisht dhe kur flisni për Marrëveshjen e Dejtonit dhe se Dodik e shkel atë, unë ju pyes, a ka shkelur Dodik pronën apo dikush tjetër, më tregoni, a e ka shkelur Dodik?
Më trego atë nenin e Marrëveshjes së Dejtonit në lidhje me pronën që është shkelur nga Dodik, së shpejti do të pyes Schmidt-in dhe të tjerët dhe e di se çfarë i kam kërkuar herën e fundit. Më trego, jam analfabet, budalla, më trego me shkrim ku është shkruar”, ka bërtitur Vuçiq në konferencën për media.
Mbetet për t’u parë nëse Schmidt do t’ia tregojë këtë, dhe është interesante se kjo është hera e dytë që Vuçiq takohet me një përfaqësues të lartë në BeH, të cilin gjoja Dodik nuk e njeh.
