“Unë prita një tjetër diskutim me dy negociatorët kryesorë për një zgjidhje të përkohshme për personat e prekur nga vendimi i BQK-së. Ne mundëm të mbushnim disa boshllëqe midis propozimeve të dy palëve. Kam në plan të vazhdoj bisedimet tona së shpejti bazuar në idetë e BE-së për një kompromis”, ka shkruar Lajçak.
Hosted another discussion with the two Chief negotiators on a temporary solution for the people affected by the CBK decision. We managed to bridge some gaps between the proposals of the two Parties. I plan to continue our discussions soon based on the EU’s ideas for compromise. pic.twitter.com/PwhVpPiH2T
— Miroslav Lajčák (@MiroslavLajcak) April 4, 2024
Mirëpo, drejtori i Zyrës së Qeverisë së Serbisë për Kosovë e Metohi, Petar Petkoviq, më herët ka thënë se në raundin e sotëm të bisedimeve në Bruksel nuk janë arritur qëndrimet për përdorimin e dinarit në Kosovë, për këtë arsye ai pret i dërguari special i Bashkimit Evropian, Miroslav Lajçak, të dërgojë ftesë për një takim të ri pas dhjetë ditësh.delegacioni nga Beogradi dhe Prishtina.
Ndryshe Zëvendëskryeministri Besnik Bislimi pas dështimit të gjetjes së një zgjidhjeje për çështjen e dinarit në takimin e përbashkët me kryenegociatorin serb, Petar Petkoviq me ndërmjetësimin e të deleguarit të BE-së për dialogun, Miroslav Lajçak në Bruksel, ka thënë se pala kosovare është pajtuar me propozimin e emisarit të BE-së, sa i përket çështjes së dinarit, por pala serbe ka kërkuar kohë shtesë.
“Duke parë pamundësinë e arritjes së një kompromisi, Lajçak ka nxjerrë një propozim të konsoliduar për të cilën ne besojmë se është konstruktiv dhe në rrugën e duhur për të gjetur zgjidhje, e cila më së shumti i shkon për shtati qytetarëve serb në Kosovë. Pala serbe nuk ka qenë e gatshme të reflektojë këtë propozim dhe ka kërkuar kohë shtesë. Takimi i radhës pritet të mbahet pas dy javëve në Bruksel”, ka deklaruar Bislimi.
