Ministri i Administrimit të Pushtetit Lokal, Elbert Krasniqi, i është kundërpërgjigjur zëdhënësit të Bashkimit Evropian Petar Stano, i cili iu shmang përgjigjes në pyetjet nëse Serbia shkeli pikën 4 të marrëveshjes.
Kjo pikë thotë se thotë se Serbia nuk do ta bllokojë anëtarësimin e Kosovës në cilëndo organizatë ndërkombëtare.
Ministri Krasniqi në një postim në platformën “X” tha se kur bëhet fjalë për Kosovën, nga BE-ja lëshojnë deklarata specifike, duke përfshirë edhe deklarata për shpronësime.
“Kur Serbia shkel marrëveshjet në mënyrë të përsëritur, BE-ja preferon të mos hyjë në detaje dhe të përmbahet nga çdo koment i mëtejshëm. Por kur bëhet fjalë për Kosovën, ato mund të jenë po aq specifike sa komentimi i një vendimi të qeverisë për shpronësimin e tokës, dhe që të vihet me gisht. Pse?”, ka shkruar Elbert Krasniqi. /Kosovatimes/
When Serbia repeatedly violates the agreements, EU prefers rather not to go into details & refrains itself from any further comments. But when Kosova is in question they can be as specific as commenting a govt decision on land expropriation, & forthcoming to point fingers. Why?
— elbertkrasniqi (@elbertkrasniqi) April 5, 2024
