Gjashtë persona u vranë dhe 10 u plagosën në sulmin rus të natës në Kharkiv, në verilindje të Ukrainës, tha kryetari i bashkisë së Kharkiv, Ihor Terekhov.
Ai shkroi në Telegram se të paktën nëntë ndërtesa të larta, një numër ndërtesash administrative, dyqane, një pikë karburanti, si dhe makina janë dëmtuar në sulmin nga dronët Shahed, raporton Interfax Ukraine.
Forcat ruse kryen një sulm me raketa në Zaporozhye këtë mëngjes dhe të paktën dy shpërthime u dëgjuan në qytet, shkroi në Telegram Ivan Fedorov, kreu i rajonit Zaporozhye.
Një kërcënim ajror është shpallur mbrëmë në të gjithë territorin e Ukrainës për shkak të raketave ruse dhe dronëve, transmeton Ukrinform.
Gjatë natës, mbrojtja ajrore e Ukrainës operoi dy herë në rajonin e Kievit dhe forcat ruse kryen një sulm me raketa dhe dron, njoftoi kreu i rajonit të Kievit në Telegram.
