Aleati i qeverisë populiste sllovake, Peter Pellegrini, është presidenti i ri i Sllovakisë pasi mundi kundërshtarin e tij Ivan Korçok me 53.20 për qind të votave në raundin e dytë të zgjedhjeve sipas rezultateve pothuajse përfundimtare.
Pellegrini, me profesion ekonomist, fitoi 53.20 për qind të votave, njoftoi Zyra e Statistikave Sllovake pas numërimit të 99.8 për qind të votave.
Kundërshtari i tij, diplomati pro-evropian Ivan Korçok, mori 46.44 për qind të votave. Korczok pranoi humbjen mbrëmë vonë dhe e uroi Pellegrinin.
Pas votimit në raundin e parë të zgjedhjeve presidenciale, ai tha se Sllovakia do të mbetet në Bashkimin Evropian dhe NATO.
Funksioni i presidentit të Sllovakisë është kryesisht ceremonial – ai ratifikon traktatet ndërkombëtare, emëron gjyqtarët kryesorë dhe është komandanti suprem i Forcave të Armatosura.
