Njohësi i çështjeve të sigurisë, Drizan Shala, ka kritikuar ish ministren e jashtme, Meliza Haradinaj, e cila ka vizituar shefin e inteligjencës se Ukrainës. Ai tha se prokurori Speciale duhet të nis hetimet.
Shala me këtë rast ka parashtruar disa pyetje rreth kësaj vizite duke shtruar nevojën e hetimit të këtij rasti me hipotezën e ngritur nëse është cenuar interesi i Kosovës me këtë takim.
“Si ka mundësi që një ish-zyrtar i lartë i shtetit të Kosovës (në ate kohe në pozitën e ministrit të Jashtëm të Kosovës) takon dhe vizitonë shefin e inteligjencës së Ukrainës?
-Kush e autorizoi një ish-zyrtar shtetëror të takohet me shefin e Inteligjencës së një shteti tjetër me të cilin nuk kemi marrëdhënie shtetërore (ai nuk na njeh)? -. Çfarë është biseduar me kreun e Inteligjencës në atë vend? – A e ka njoftuar ish-zyrtari i shtetit të Kosovës mekanizmin e sigurisë në Republikën e Kosovës (AKI) për një takim të tillë? – A është cenuar interesi i Kosovës me këtë takim?”, pyet ai me konstatimin se nga pikëpamja e sigurisë, takime të tilla dëmtojnë sigurinë kombëtare të vendit! /Kosovatimes/
