Gjatë zbatimit të plani operativ “Mbrojta e pyjeve” në Shtërpcë, Policia e Kosovës ka ndaluar një person i cili me automjetin e tij po transportonte ilegalisht drunj.
Policia njofton se në lidhje me këtë janë njoftuar zyrtarët e Agjencionit të Pyjeve të Kosovës, të cilët kanë dalë në vendin e ngjarjes dhe kanë shqiptuar një fletëparaqitje për transportin ilegal të drunjve dhe kanë konfiskuar sasinë e drunjve.
Ndërsa, policia ka shqiptuar një gjobë kundërvajtës prej 200 dhe ka konfiskuar automjetin.
“Me datën 06.04.2024 rreth orës 20:00 në fshatin Sushicë të Shtërpcës policia e stacionit në Shtërpcë ka ndaluar shoferin R.S (M/K) i moshës 32 vjeçar, i cili me automjetin Merecedes furgon me targa vendore po transportonte drunj ilegalisht. Gjatë kontrollimit të dokumentacionit ka rezultuar që automjeti ishte pa regjistrim që nga data 05.09.2023”, thuhet në komunikatën për media të Policisë së Kosovës. /Kosovatimes/
