Tre persona u vranë në sulmet me bomba ruse në rajonin Zaporozhye, në jug të Ukrainës, njoftuan sot autoritetet lokale.
“Tre persona u vranë dhe tre u plagosën”, ka shkruar në rrjetet sociale Ivan Federov, presidenti i Administratës Rajonale të Zaporizhisë.
Ai shtoi se në 24 orët e fundit, forcat ruse kishin kryer sulme “357 herë” në tetë vende të populluara në rajon.Autoritetet ruse njoftuan dje se një dron ukrainas sulmoi territorin e termocentralit bërthamor ukrainas në Zaporozhye, i cili ishte pjesërisht i pushtuar prej dy vitesh, dhe se pajisja shpërtheu mbi një nga reaktorët.
