“Ushtarët e Brigadës së 12-të Azov dhe Brigadës 95-të Sulmuese Ajrore shpërthyen një kolonë armike pranë fshatit Terni”, njoftoi Brigada Azov në Telegram. Forcat ruse humbën 11 pjesë të pajisjeve dhe brigada ukrainase kapi një tank T-72B2M, pretendojnë ata. Krahas gjithçkaje ata kanë bashkangjitur edhe një video.
Është një mesazh domethënës për ushtarët rusë të Brigadës tashmë të famshme Azov, në prag të ofensivës së madhe të Vladimir Putinit , e cila pritet në fillim të majit.
“Forcat ukrainase sulmuan një kolonë të blinduar pranë pozicioneve ukrainase pranë qytetit lindor të Kreminit të kontrolluar nga Rusia ”, shkruante në një deklaratë Brigada Azov, e cila tani është pjesë e Gardës Kombëtare të Ukrainës.
Gjithsej 50 luftëtarë rusë u vranë në aksion, dhe video tregon dronët kamikaze ukrainas që lëvizin drejt linjës së automjeteve të blinduara, ndërsa dronët në ajër regjistrojnë shpërthime përgjatë kolonës. Në kuadrin e fundit, mund të shihet një tank për të cilin ekspertët pretendojnë se është T-72B2M i lartpërmendur rus.
Ju kujtojmë se brigada Azov u bë e famshme globalisht falë mbrojtjes afatgjatë të Mariupolit dhe u krijua nga batalioni Azov, i cili ka rrënjë të qarta në ideologjinë e ekstremit të djathtë dhe ultra-nacionalizmin.
Gazetarët amerikanë nuk mundën të verifikonin pretendimet e Brigadës Azov, si dhe vërtetësinë e regjistrimeve që publikuan. Ministria ruse e Mbrojtjes nuk pranoi të komentojë. Ushtria ukrainase shkruan se forcat e saj “zmbrapsën” shtatë sulme ruse rreth Ternit të shtunën.
Ndërkohë, forcat ruse kanë avancuar ngadalë në perëndim drejt fshatit Terni dhe qendra kërkimore me bazë në SHBA, Instituti për Studimin e Luftës (ISW), së fundmi vlerësoi se trupat ruse janë rreth 700 metra larg fshatit.
