Federata e Basketbollit të Kosovës njofton se veteranët e Kosovës kanë fituar turneun në Zarë të Kroacisë.
Sipas njoftimit ky turne është mbajtur nga 5 deri më 7 prill, derisa kanë marrë pjesë ish-basketbollistë të njohur nga Kroacia, Sllovenia, Mali i Zi, Serbia, Bosnja e Hercegovina dhe Maqedonia Veriore.
Veteranët e Kosovës që ishin ish-basketbollistë të shquar, në ndeshjen e parë në grupe, shënuan fitore ndaj O. Ugljan me rezultat 58:44, derisa në ndeshjen e dytë fituan ndaj Zmaj me rezultat 44:37.
Në finale shënuan fitore ndaj Vogoshtica Zadar me rezultat të ngushtë 58:57.
