Pas përfundimit të hetimeve, Prokuroria e Shtetit të Qarkut në Split ka ngritur aktakuzë ndaj shtetasit kroat 79-vjeçar para Gjykatës së Qarkut në Split.
Një 79-vjeçar është akuzuar për një sërë krimesh të kryera ndaj mbesës së tij të mitur. Gjithçka ka ndodhur në një periudhë prej gjashtë vitesh në një shtëpi në qarkun Split-Dalmaci, shkruan Index.hr.
Burri akuzohet për veprën e rëndë penale të abuzimit seksual dhe shfrytëzimit të fëmijës, abuzimit seksual të fëmijës nën moshën pesëmbëdhjetë vjeç, veprës së rëndë penale kundër lirisë seksuale dhe akteve të turpshme.
Në aktakuzë thuhet se i pandehuri veprat penale të lartpërmendura i ka kryer nga një ditë e pacaktuar në maj të vitit 2012 deri më 28 qershor 2015, e më pas nga data 29 qershor 2015 deri më 6 maj 2018.
