Kryetari i Lidhjes Demokratike të Kosovës, Lumir Abdixhiku, me rastin e festës së Fitër Bajramit, ka vizituar Bashkësinë Islame të Kosovës.
“Sot me bashkëpunëtor të Lidhjes Demokratike të Kosovës vizituam myftiun Tërnava dhe nëpërmjet tij uruam të gjithë komunitetit mysliman në Kosovë festën e Fitër Bajramit. Le të shpresojmë që lutjet e sakrificat dhe veprat e mira gjatë muajit të Ramazanit të jenë pranuar nga Krijuesi, por mbi të gjitha të punojmë që këto vlera të jenë të përditshme, që lidhja me njëri-tjetrin, lidhja me familjet dhe kontributin për vendin të jenë pjesë normale. Urime gjithë myslimanëve në Kosovë”, u shpreh Abdixhiku. /Kosovatimes/
